Тутунарите во редици пред банките за субвенциите

Илустрација банкомат / Фото Архива

Тие, како што велат, се дојдени навреме затоа што почнаа работите во полето за новата реколта тутун.

Тутунарите од Прилеп, Долнени и Кривогаштани во редици пред банките трпеливо ги подигнуваа субвенциите за тутунот од ланската реколта. Тие, како што велат, се дојдени навреме затоа што почнаа работите во полето за новата реколта тутун. Единствено се загрижени како ќе биде со вонредните ситуации и ангажманот на аргати за работа во полето.

Според Зоран Пачешкоски, раководител на подрачната единица на Министерството за земјоделство во Прилеп, од преку 30 милиона евра субвенции за македонските тутунари, околу половината се за тутунарите во Прилеп, Долнени и Кривогаштани.

-Од преку 30 милиона евра за субвенции, над 14 милиона евра се за преку 10.000 тутунари во Прилеп, Долнени и во Кривогаштани. Ги замолувам тутунарите за трпение поради вонредните состојби за подигнување на субвенциите. Денеска е според азбучен ред, први се оние кои презимињата им почнуваат на А, Б, В, Г и Д, изјави Пачешкоски.

Во тек е расадопроизводството и склучувањето договори со откупувачите за новата реколта тутун. Интересот е зголемен за 10-ина проценти и тоа кај младите земјоделци.

– Досега имаме примено пријави на околу 1000 млади земјоделци кои првпат ќе произведуваат тутун. Лани имаше околу 7.500 хектари со тутун, годинава очекуваме за 500 хектари повеќе. Тутунопроизводството моментално, е исплатливо. Инаку, од подрачната единица се подигнуваат решенија, а со откупувачите тутунарите склучуваат договор, истакна Паческоски.

Ланската реколта беше тешка околу 26.000 тони со просечна цена од 220 денари за килограм. Поради високиот квалитет, просечната субвенционирана цена е 72 денари за килограм откупен тутун.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот