Тухел поради погрешна смс порака добил отказ од Борусија
Неверојатна причина за добивањето отказ на актуелниот тренер на ПСЖ од Борусија Дортмунд.
Магазинот „Франс фудбал“ открива дека актуелниот тренер на ПСЖ, Томас Тухел поради неверојатна причина добил отказ во Борусија Дортмунд и поради тоа го нема телефонскиот број на директорот на „светците“, Леонардо.
Долго време се шпекулираше дека Тухел има големи недоразбирања со управата на клубот околу засилувањата, а продажбата на Осман Дембеле на Барселона во 2017 година ја прелила шачката, но на крајот тој доби отказ и потоа седна на клупата на ПСЖ.
„Франс фудбал“ открива дека причината за отказот е смс порака.
Имено, Тухел му испратил смс порака на својот секретар Олаф Меинкинг, но тој мислел дека му ја испраитл на него бидејќи порака заминала кај директорот на Борусија Дортмунд, Михаел Цорк.
Во содржината на порака имало критики и навредливи коментари токму на сметка на Цорк поради неговата работа во преодниот рок, односно продажбата на Дембеле и на уште неколку играчи.
Епилогот е експресен отказ за Томас Тухел во Борусија Дортмунд.