Тричковски најдобар фудбалер во Кипар - Слободен печат
СпортФудбал

Тричковски најдобар фудбалер во Кипар

Македонскиот репрезентативец Иван Тричковски е избран за фудбалер на годината во Кипар според гласовите на тренерите.

Иван Тричковски одличната сезона во дресот на АЕК Ларнака ја круниса со признание за најдобар фудбалер во кипарскиот шампионат во избор на Кипарската фудбалска федерација, право на глас имаат тренерите на екипите.

Тричковски во дресот на АЕК Ларната настапи на 39 натпревари и постигна 24 голови, а доколку не беше повреден учинокот ќе беше уште подобар. Тој поради повреда на ребро ја заврши сезоната и веројатно ќе ги пропушти мечевите за македонската репрезентација на почетокот на јуни со Полска и со Австрија во Скопје.

Македонскиот репрезентативец со АЕК Ларнака настапи и во Лигата на Европа каде постигна шест гола и имаше шест асистенции. .

За најдобар тренер е избран тренерот на АПОЕЛ, Паоло Термецани, а најдобар дебитант е Матија Шпољариќ од Алки.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close