Тргнале на пат со 2 милиони долари вреден кампер: Има два ката и десет кревети
Едно семејство тргна на далечен пат со цел да ја истражи Австралија, а на тој пат ќе им биде многу комотно. Како? Така што на тркала имаат куќарка вредна 2 милиони долари.
Семејство од Австралија ангажираше компанија со цел да им направи кампер на два ката, доволно голем за во него комотно да живеат родителите и нивните шест деца.
– Ова семејство сигурно не сакаше да им биде неудобно. Тие сакаа да бидат задоволни дури и во пустелија – рече Варвик Босвергер од компанијата SLRV.
Во овој кампер се наоѓаат 10 кревет, модерна кујна со две рерни, две микробранови, фрижидер и замрзнувач, машина за перење, телевизори, систем за греење, дневна соба и бања.
Родителите имаат посебна соба, а децата го имаат првиот кат за себе. Во камперот има дури и дополнителен кревет на извлекување за гости.
За изработката на оваа необична „куќа“ биле потребни шест месеци.