По серијата од четири порази во низа, денеска кошаркарите на Тренто им се вратија на победите во италијанскиот шампионат откако на гости со 106:87 славеа над Венеција.

Ова е важен триумф за играчите на Тренто во трката да се обезбеди една од позициите кои водат во четвртфиналниот плејоф.

После 10 победа сезонава Тренто е на осмото место со учинок 10-13 и во следното коло на 12 април ќе гостува кај Тортона.

Во денешната победа придонесе и македонскиот репрезентативец Андреј Јакимовски кој за 27 минути на паркетот запиша седум поени, три скока и две асистенции.

Кај неговите соиграчи најефикасен беше литванскиот интернационалец Матас Јогела со 22 поени, седум скока и четири асистенции.