Доналд Трамп / Фото: EPA-EFE/SHAWN THEW

Трамп призна дека бил„малку саркастичен“ кога тврдел дека ќе ја запре војната во Украина за 24 часа

 – Претседателот на САД Доналд Трамп изјави дека бил „малку саркастичен“ кога тврдел дека ќе стави крај на војната во Украина за 24 часа.

Тој беше прашан за ова ветување, кое го даваше повеќепати во кампањата, во интервју за емисијата Full Measure, додека неговата администрација се обидува да најде решение 54 дена по почетокот на неговиот втор мандат.

– Бев малку саркастичен кога го кажав тоа, изјави Трамп во видео-најава за интервјуто, чија целосна верзија ќе биде емитувана утре. – Она што го мислев е дека ќе ја решам оваа војна – и тоа успешно.

Во мај 2023 година, тој на дебата организирана од Си-Ен-Ен изјави: „Луѓе умираат, и Руси и Украинци. Сакам да го запрам тоа. И ќе го направам – за 24 часа.“

Во интервјуто, Трамп беше запрашан што ќе се случи ако рускиот претседател Владимир Путин не прифати прекин на огнот.

– Тоа ќе биде лоша вест за светот, бидејќи толку многу луѓе умираат, одговори Трамп. – Но, верувам дека ќе прифати. Го познавам доволно добро и мислам дека ќе се согласи, оценува американскиот претседател

Во говор во Министерството за правда на САД, Трамп изјави дека од Русија пристигнуваат позитивни сигнали и повторно изрази убеденост дека ќе биде постигнат договор за крај на војната.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот