Американскиот претседател, Доналд Трамп на вчерашната прес-конференција го претстави новиот тест за коронавирус, според кој може да се дознае дали некој е позитивен на заразата за само пет минути.

Трамп пред Белата куќа го покажа новиот тест на компанијата Абот, според кој може да се дознае дали некој е позитивен на коронавирусот за пет минути, додека негативен резултат на заразата се добива за 13 минути.

Досегашните тестови, развиени во лабораториите, своите резултати ги даваат за четири до 8 часа.

САД моментално е најголемото жариште на коронавирусот, со 164,359 случаи на коронавирус, од кои 3,173 се починати.