Американскиот претседател Доналд Трамп во пресрет на мировните преговори во Пакистан меѓу Иран и САД во интервју за американските медиуми изјави дека всушност тој не сака да го продолжи примирјето со Иран доколку пропаднат преговорите. Тој потврди дека САД се во силна преговарачка позиција и дека на крајот ќе постигнат, како што рече, одличен договор.

„Не сакам да го правам тоа. Немаме толку многу време“, рече Трамп кога беше прашан околу тоа дали размислува да го продолжи двонеделното примирје со Иран доколку не се постигне договор во Исламабад меѓу двете страни.

US President Donald Trump said in a phone interview this afternoon that it is “highly unlikely” he would extend the two-week ceasefire with Iran if a deal is not reached before it ends. https://t.co/3rtBX7yGRt

— Bloomberg (@business) April 20, 2026

Американскиот претседател Доналд Трамп изјави дека Иран „повеќепати го прекршил примирјето“, обвинувајќи го Техеран за недоследно почитување на договорените услови. Изјавата ја објави на својата социјална мрежа, без да наведе конкретни детали за наводните прекршувања.

Според најавите, привременото примирје истекува доцна во среда според американско време, додека во меѓувреме двете страни меѓусебно се обвинуваат за негово нарушување. Иран претходно тврдеше дека САД го прекршуваат договорот преку воведување ограничувања и мерки поврзани со стратешкиот Ормуски Теснец.

Паралелно со дипломатските пораки, продолжуваат и воените и политичките тензии меѓу двете земји, додека во меѓународната јавност се очекува развојот околу можниот нов круг преговори што би можел да се одржи во Пакистан.