Американскиот претседател Доналд Трамп го откри својот главен услов за следната средба со рускиот претседател Владимир Путин. Тој им изјави на новинарите во претседателскиот авион „Ер форс уан“, кој е на пат за Азија, дека сака средба со Путин, но само ако се потврди мировниот договор кој треба да доведе до крај на војната во Украина, пренесува Си-Ен-Ен.

„Морам да знам дека ќе имаме договор. Не сакам да го губам моето време. Секогаш сум имал добар однос со Путин, но оваа ситуација сега е разочарувачка“, изјави Трамп.

Во Будимпешта, главниот град на Унгарија, требаше оваа или следната недела да се одржи нова средба меѓу Трамп и рускиот претседател Владимир Путин.

Средбата, сепак, беше откажана и не е познато дали и кога повторно ќе се сретнат американскиот и рускиот претседател по августовската средба на Алјаска.

Путин, по потврдата за откажувањето на средбата, жестоко и се закани на Украина и нејзините сојузници доколку Киев добие ракети „томахавк“ со кои би можел да напаѓа руски цели во длабочината на нејзината територија.