Македонскиот репрезентативец Александар Трајковски открива дека минатото лето наместо во Мајорка можел да заврши во итлаијанскиот гигант Милан.

Трајковски по завршувањето на минатата сезона стана слободен играч откако Палермо поради финансиски малверзации на неговиот сопственик беше исфрлен во третата лига, и добил понуда од Милан, но на крајот ја избрал Шпанија и екипата на Мајорка.

– Претставници на Милан се сретнаа со моите агенти. Имаше контакт, интерес од нивна страна, но не беше доволно. Се надевав дека ќе се договориме, но работите не се одвиваа онака како што посакував, и на крајот заминав во Мајорка. Имав и други понуди од Италија, но кога стигна понудата од Мајорка, добив желба за промена, сакав да видам како е да заиграм во Шпанија. Никогаш не се знае, можеме повторно ќе се вратам во Италија еден ден – вели Трајковски во разговорот со познатиот италијански новинар Џанлука ди Марцио.