Трагедија во српско гратче: Четиригодишно дете почина откако голтнало желад
Четиригодишниот дете од српското гратче Владичин Хан починало откако голтнало желад во градинка и починало, пишува „Блиц“. Сѐ уште не се познати сите околности како дошло до немилиот настан кога детето голтнало желад во градинката, а од задушување детето вечерта починало во болница во Ниш.
Во Основното јавно обвинителство на Владичин Хан велат дека се испитуваат сите детали, се прегледува видеонадзорот, а обдукцијата на телото на момчето треба да заврши денеска.
Исто така, тие наведуваат дека дури по резултатите од обдукцијата, увидот на целокупната медицинска документација, изјавите на сведоците и анализата на други околности, би можеле да кажат некои детали за овој настан.
– Според она што полицијата го видела од надзорните камери, момчето излегло во ходникот и почнало да паѓа. Разгледуваме и други детали – велат од ОЈТ Владичин Хан.
Во Владичин Хан владее молк и неверување, особено во населбата каде што живеело малото момче. Детето било син единец.
– Мајката се распаѓа од болка, нема утешни зборови за родителите. Таткото едвај стои на нозе – вели еден од нивните пријатели.
Според приказната на еден семеен пријател, родителите денеска треба да ги преземат посмртните останки на момчето од болницата во Ниш.
Во гратчето е прогласена дводневна жалост поради смртта на момчето.