Генералниот директор на Светската здравствена организација (СЗО), Тедрос Аданом Гебрејесус, денес преку платформата Х изјави дека температурите во Европа растат двојно побрзо од глобалниот просек, што бара забрзана акција за климатските промени, со што се зголемува веројатноста и интензитетот на екстремни топлотни бранови во иднина.

Според него, Европа не може да си дозволи понатамошни одложувања.

„Податоците се јасни: температурите низ Европа растат приближно двојно повеќе од глобалниот просек, зголемувајќи ја веројатноста и сериозноста на идните екстремни топлотни бранови“, рече Тедрос.

Europe’s heatwave is closing schools and putting people’s health at risk.

The data are clear: temperatures across Europe are rising at roughly twice the global average rate, increasing the likelihood and severity of extreme heat in the future.

We cannot afford further delay.…

— Tedros Adhanom Ghebreyesus (@DrTedros) June 24, 2026

Тој изјави дека топлотниот бран во Европа го принудува затворањето на училиштата и го загрозува здравјето на луѓето и истакна дека понатамошното одложување не е можно.

„Лидерите мора да дадат приоритет на инвестирањето во здравствени системи отпорни на климатските промени, а истовремено да го забрзаат дејствувањето за климатските промени и да ги ублажат причините за климатската криза“, нагласи Тедрос.

Европа во последните денови беше погодена од силен топлотен бран, со температури над 40 степени Целзиусови во некои земји.

Поради екстремната жештина, во неколку европски земји беа воведени највисоки предупредувања, додека некои училишта беа затворени, а властите апелираа до граѓаните да избегнуваат престој на отворено во најжешкиот дел од денот.

Топлотниот бран во Западна Франција остави 68.000 домаќинства без струја