Српскиот тенисер Новак Ѓоковиќ ќе биде дел од претстојниот мастерс турнир во Мадрид, откако организаторите официјално го потврдија неговото учество.

По елиминацијата во осминафиналето на турнирот во Индијан Велс, Ѓоковиќ направи пауза и ги прескокна настапите во Мајами и Монте Карло, но сега е подготвен за враќање на терените. Покрај него, во шпанската престолнина ќе настапат и најдобрите двајца тенисери во овој момент, Јаник Синер и Карлос Алкараз.

Минатата година за Ѓоковиќ во Мадрид заврши рано, откако беше елиминиран уште во второто коло од Матео Арналди.

Инаку, последниот триумф на српскиот ас на овој турнир датира од 2019 година, а вкупно има освоено три титули во Мадрид. Годинашното издание на турнирот ќе се одржи од 22 април до 3 мај.

ВИДЕО | Историската победа на БиХ на трибините во Зеница ја славеше и Ѓоковиќ

Ѓоковиќ за драмата во Зеница: Вакви работи се случуваат два до три пати во животот