Тешко повредени тројца млади луѓе во сообраќајка на патот кон Тиквешко Езеро
Во тешка сообраќајна несреќа во која нивното возило излетало од патот, повредени се четворица млади жители на селото Возарци, од кои тројца имаат тешки повреди, соопшти полицијата.
„На 13.03.2022 во 04.00 часот било пријавено дека на патот од брана на Тиквешко Езеро во правец на с.Возарци, патничко возило „сеат”, со кавадаречки регистарски ознаки, управувано од К.А.(20) од с.Возарци, излетало надвор од коловозот“, се вели во полицискиот билтен.
Во несреќата со тешки телесни повреди се здобиле возачот и двајцата сопатници Н.М.(18), Р.Р.(19), а со телесни повреди се здобил сопатникот С.И.(20), сите од с.Возарци, констатирани во Општата болница во Кавадарци.