Тепачка / илустрација / Фото: МИА

Тепачка во штала, тројца против тројца: Селани од Арнакија се удирале со тврди предмети, тројца од нив завршиле во болница

Две групи се степале во штала во село Арнакија поради имотно правни односи, а неколкумина завршиле во болница со тешки повреди.

„На 14 декември 2025, околу 14:15 часот, во село Арнакија, скопско, по претходни нерасчистени имотно-правни односи, дошло до физичка пресметка меѓу две групи: 24-годишниот М.З., 21-годишниот Л.З. и 59-годишниот Р.З. од една страна и 63-годишниот А.З., 30-годишниот С.З. и 35-годишниот Б.З. од друга страна,“ соопшти МВР.

За време на тепачката биле користени и тврди предмети, при што Р.З. завршил со тешки телесни повреди, а М.З. и Б.З. со полесни повреди, констатирани во Градската општа болница „8 Септември“ и Комплексот клиники „Мајка Тереза“.

По целосно документирање на случајот, полицијата најавува поднесување соодветна пријава.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот