Тенисерите бараат оставка од Ѓоковиќ
Првиот тенисер на АТП ранг листата, Новак Ѓоковиќ, денеска објави дека тој и неговата сопруга Јелена се позитиви на коронавирус и се најде на удар на светската јавност.
Сите го осудуваат неговиот проект „Адриа Тур“ бидејќи освен него се заразени уште петорица кои беа дел од турнирите во Белград и Загреб, тенисерите Григор Димитров, Борна Чориќ, Виктор Троицки, тренерот на Бугаринот како и кондицискиот тренер на Ѓоковиќ.
Но, освен од медиуми, Ѓоковиќ е под притисок и на останатите тенисери кои бараат негова оставка како претседател на советот на тенисери.
Американскиот магазин „Спортс Илустрејтед“ тврди дека Ѓоковиќ веќе ја понудил оставката и за него ќе се разговара по итна постапка.
Исто така и швајцарскиот „Блик“ тврди дека оставката е логичен чекор бидејќи Ѓоковиќ во време на пандемијата на коронавирусот не се однесувал одговорно.