Спречувањето на таложење маснотии на тавите може да биде предизвик, особено ако често ги користите, но добрата вест е дека нивното чистење е полесно отколку што мислите. Со текот на времето, маснотиите и нечистотијата се насобираат на површината на тавите, поради што тие изгледаат валкани и истрошени. Сепак, со еден едноставен трик, тавите повторно можат да заблескаат како нови.

Најпрво, наполнете ја тавата со врела вода. Потоа додајте малку оцет и прстофат сода бикарбона. Ставете ја тавата на рингла и оставете смесата да врие околу 20 минути на тивок оган. Откако ќе проврие, внимателно истурете ја течноста, а потоа измијте ја тавата со детергент и топла вода. На крај, исплакнете ја со ладна вода и нечистотијата би требало лесно да се отстрани.

Со користење на овој метод, наместо агресивни хемикалии, ќе забележите значителна разлика во чистотата и изгледот на вашите тави.

Сервисот за чистење на домаќинства „Tidy Pig Cleaning“ препорачува тавите редовно и темелно да се чистат, а споделија и неколку корисни совети за спречување на насобирање нечистотија.

Важно е да не готвите на премногу силна температура, бидејќи прегревањето може да предизвика промена на бојата и загорени остатоци. Исто така, секогаш оставете тавата да се олади пред миење, бидејќи наглите температурни промени можат да го деформираат металот.

Дополнително, препорачливо е да користите дрвени или силиконски кујнски алатки наместо метални, кои можат да ја изгребат површината на тавата.