Лидерот на едното крило на Алијансата за Албанците, Арбен Таравари, на митинг во Гостивар изјави дека напуштањето на владината коалиција било нужност, а не политички каприц.

Тој пред своите поддржувачи порача дека одлуката да се излезе од Владата ја донел „со радост“, затоа што, како што рече, ситуацијата била неподнослива.

„Ја напуштивме владата доброволно, бидејќи беше неподносливо. Моите блиски пријатели добро го знаат тоа – имавме две опции. Едната беше да освоиме неколку општини во соработка со ВМРО-ДПМНЕ. Дали ќе ги освоевме? Да, но каде ќе одевме потоа? Ќе одевме кон дефакторизација на Албанците во локалната самоуправа“, објасни Таравари.

Тој додаде дека доколку размислувал лично и себично, би можел да остане во Владата, како што се некои негови поранешни колеги.

„Ќе морав да останам таму како Изет и како Билал – да молчам и да земам министерска плата, додека во Тетово, Гостивар и во Чаир градоначалниците би биле марионети, исто како што се сега министрите“, изјави Таравари.