Суперлига: Е. Пелистер ја оправда фаворитската улога против Пролет

Стипе Мандалиниќ (Е. Пелистер) во акција против Т. Пролет/Фото: Е. Пелистер

Ракометарите на Е. Пелистер ја запишаа шестата последователна победа, деветта во десет дуели од Суперлигата, откако попладнево полесно од предвиденото го надиграа Т. Пролет во Битола со 38:22 (21:7).

Денешниот дуел битолчани го решија уште во првите десет минути. Скопскиот клуб не постигна ниту еден гол во овој дел од мечот, во кој домаќинот одигра цврсто во одбраната и ефикасно во нападот, набрзина поведувајќи со 7:0. Со импресивна игра до крајот на полувремето, на одмор заминувајќи составот на Бабиќ со убедливи 21-7.

Е. Пелистер го почна и вториот дел со мини-серија од 3:0, покажувајќи дека немаат намера да го намалат високото темпо што го наметнаа. Веќе беше познат победникот, па двете екипи одиграа без притисок во преостанатиот дел од средбата, за конечни 38:22.

Ракомет – Суперлига (10. коло)
Е. Пелистер – Пролет 38:22 (21:7)

Спортска сала: „Боро Чурлевски“ – Битола
Гледачи: 500
Судии: Димитар и Дејан Георгиевски

Е. Пелистер:
Секељи, Кизиќ, Мараш 3, Ојлески 5, Маркоски 2, Маџовски 2, Мандалиниќ 2, Танкоски 2, Периќ 1, Костески 6, Кукоски, Велковски 1, Божиќ Павлетиќ 4, Граџан 3, Обрадовиќ 2, Табоада 5
Седмерци: 3/3
Исклучувања: 2 минути

Т. Пролет:
Петковски, Цветковски, Аларов 5, Тотиќ, Пецаковски 3, Додевски 3, Димов, Андоновски, Џонов 1, Мајнов 6, Крстески 1, Димковски 1, Голубовиќ 1, Фичорски, Палевски, Пејовиќ 1
Седмерци: 2/2
Исклучувања: 2 минути

Видео на денот