Судскиот буџетски совет нема да го исполни барањето на судската администрација, зашто им е покачена платата.

– Судскиот буџетски совет на ден 1.11.2019 година донесе Одлука за висината на додатоците на плата за месец Октомври за судиите во висина од 10%, а за судските службеници во висина од 5%, од причини што на судските службеници со изменување и дополнување на законските прописи од месец Септември 2019 година им се покачи платата од 5% и со додатокот на плата од 5% за месец Октомври 2019 година, вкупниот износ е зголемен за 10% – се наведува во соопштението на Судскиот буџетски совет.

Објаснуваат дека судиите имаат право на додаток на плата за посебни услови за работа, постоење на висок ризик и доверливост.

– Согласно членот 7 од Правилникот за додатоци на плата нивната висина и начинот на утврдување за судиите во Република Северна Македонија, висината на додатоците на плата на претседателите на судовите и судиите се утврдува во процентуален износ од основната плата на судијата за: Посебни услови за работа во висина од 10 отсто; Постоење на висок ризик во висина од 10 отсто и Доверливост во висина од 15 отсто – се наведува во соопштението.

Судскиот буџетски совет вкупниот износ за исплата на додатоците го определува секој месец со посебна одлука во зависност од расположивиот буџет на Судската власт.

– Имајќи ги во предвид погоре цитираните одредби од Законот и Правилникот, Судскиот буџетски совет одлучи додатокот на плата за судии за месец Октомври 2019 година да изнесува 10% наместо предвидениот износ од 35%, како процентуално би се изедначиле со Судската служба – соопштија од Судскиот буџетски совет.

Наведуваат дека на судската служба им е исплатена платата за месец септември и октомври 2016 година, како и додатоците на плата.

СУДСКАТА АДМИНИСТРАЦИЈА НАЈАВИ ШТРАЈК: Бараат еднакви додатоци на плати како за судиите