Поради здравствената состојба на Тони Трајковски, обвинет во „ТНТ“, неговиот адвокат Јовица Страшевски побара да се раздвои постапката против неговиот клиент и членовите на комисијата, што би значело овој судски процес да финишира само со обвинетите Миле Јанакиески и Никола Груевски на кој му се суди во отстство.

– Со раздвојување на постапката сметам дека судот ќе функционира економично, во спротивно сметам дека постапката ќе се одолговлекува. Тони Трајковски и членовите на комисијата истите се јавуваат како заеднички ги сториле повредите од законот за јавна набавка – рече обвинителот Бурим Рустеми.

Адвокатот Дончо Наков рече дека постапката не може да се раздвои поради поврзаноста на обвинетите во постапката.

– Ако се раздвојува предметот јас како бранителот на обвинетата Елизабета Најдовска ќе треба да предложам предметот да се раздвои и за неа – рече адвокатот Мерџан Даути.

Судечкиот совет ќе одлучи дали да ја раздвои постапката.