Судењето на Ѓоковиќ заврши: Следува конечната одлука на судиите
Заврши сослушувањето пред Федералниот суд на Австралија за случајот Новак Ѓоковиќ против министерот за имиграција, Алекс Хок. Судскиот совет ги слушна аргументите на адвокатот на најдобриот тенисер во светот и министерот за имиграција и најави дека конечната одлука ќе ја донесе во текот на денот или дури во понеделник.
Судењето пред Федералниот суд на Австралија го водеше врховниот судија Џејмс Алсоп, а во судискиот совет беа и Ентони Бесанко и Дејвид О’Калахан.
Адвокатскиот тим на српскиот тенисер, предводен од Николас Вуд, истакна дека нема докази кои ги поткрепуваат тврдењата дека присуството на првиот тенисер во светот поттикнува „антивакцинација“ и дека конечното укинување на визата всушност би имало такво влијание.
Адвокатот изјави дека Ѓоковиќ од почетокот на пандемијата играл многу тениски турнири каде имал голем успех на нив и дека не е забележан ниту еден случај на „лобирање против вакцинација“ во врска со тие тениски натпреварувања.
"Novak Djokovic awaits final visa decision as Australian court adjourns to deliberate" https://t.co/zliLl1Vqb2
— KELLY CLELLAND 1 (@KELLYCLELLAND1) January 16, 2022
Адвокатскиот тим на првиот светски тенисер побара, доколку жалбата биде прифатена, Ѓоковиќ веднаш да биде ослободен.
Правниот застапник на австралиската Влада, Стивен Лојд потсети на фактот дека првиот рекет во светот сè уште не е вакциниран. Тој исто така изјави дека Ѓоковиќ претходно ги игнорирал мерките за заштита од ширење на корона вирусот. Тој посочи дека министерот Хок бил свесен за последиците што можело да ги предизвика укинувањето на визата на Ѓоковиќ, во секоја смисла, вклучително и поттикнување на „антивакцинација“. Лојд истакна дека, со право или не, Ѓоковиќ во Австралија го доживуваат како некој кој е против вакцинацијата и станал „икона против вакцините“.
По сведочењето на двете страни, судиите се повлекоа за да ја разгледаат ситуацијата и да донесат конечна одлука. Доколку жалбата на Ѓоковиќ биде уважена, на српскиот тенисер ќе му биде дозволено да остане во Австралија и да игра на Грен слем турнирот во Мелбурн. Доколку одбие, ќе биде депортиран и потенцијална забрана за влез во земјата во следните три години.
Потсетуваме, министерот Хок одлучи во петокот попладне, според локално време, повторно да му ја укине визата на Ѓоковиќ, нагласувајќи дека тој постапува во интерес на јавноста, со оглед дека присуството на најдобриот тенисер во светот поттикнува „антивакцинација“.
Кирјос од најголем критичар стана голем фан на Новак: Сакам да го освои тој е**н Австралија Опен
Претходно, визата на српскиот тенисер му беше укината по пристигнувањето во Мелбурн, бидејќи тој наводно не доставил доволно докази за медицинско ослободување од задолжителната вакцинација. Судијата Ентони Кели ја уважи жалбата на првиот рекет во светот, а во понеделникот нареди да се поништи првичната одлука за поништување на визата.
Отвореното првенство на Австралија ќе започне на 17 јануари, а Ѓоковиќ е деветкратен шампион. Доколку игра во Мелбурн, во понеделник во првото коло ќе се сретне со својот сонародник Миомир Кецмановиќ.