Најдобриот тенисер на светот е многу блиску до настап на „Австралија опен“ каде што може да ја брка историската рекордна 21 грен слем титула со која би бил најдобар во историјата на овој спорт.

Новак Ѓоковиќ ја доби жалбата против депортација од Австралија, откако граничните власти претходно одлучија дека не ги исполнува критериумите за ослободување од условите за влез.

Но, и судската победа не гарантира дека првиот светски рекет може да остане во Австралија, последниот збор ќе го има министерот за имиграциско право, Алекс Хок. Тоа го изјави адвокатот на австралиските власти, Кристофер Трен.

The Honourable Judge Kelly issued sturn warning to the lawyer for Home Affairs against using their threat to re-detain #Djokovic using executive power. #FreeNovak #NovakFreed #Justice #AO2022

— Christopher Johnson (The Globalite) (@globaliteman) January 10, 2022

Свој одговор на тоа имаше и судијата Ентони Кели, кој остро му одговори на адвокатот Трен да не ја користи заканата за повторно затворање на Ѓоковиќ користејќи ја извршната власт.

Еден пресуден момент имаше во текот на судењето, имено зборовите на судијата Кели како да ја најави победата на Ѓоковиќ.

Додека адвокатите на Ѓоковиќ ги изнесуваа фактите за патната документација на Новак, медицинското ослободување и третманот и грешките на цариниците, судијата накратко го прекина адвокатот Вуд и даде свој коментар.

“What more could this man have done”, said Judge Kelly referring to #Djokovic and his medical exemptions.

— Saša Ozmo (@ozmo_sasa) January 10, 2022

– Што повеќе можеше да направи овој човек? – размислувајќи за исполнување на сите прописи на државата Викторија при влез во земјата.

Адвокатот на Новак само одговори: „Потполно се согласувам со вас, судија“.