Лошото момче на светскиот тенис, Ник Кирјос, кој во минатото често го критикуваше Новак Ѓоковиќ, сега му дава голема поддршка на српскиот тенисер во „војната“ со австралиските власти кои му ја укинаа визата и не му дозволуваат да ја брани титулата на Австралија Опен.

Кирјос во едни од најтешките моменти во кариерата на Ѓоковиќ, застана на негова страна и покажа што значи колегијалност.

– Новак ми испрати лична порака на Инстаграм и ми се заблагодари што застанав на негова страна. Ниту тој самиот не очекуваше дека јас ќе се огласам по ова прашање. Ѓоковиќ само сака да игра тенис и верувам дека во овие моменти му е многу тешко. Мислам дека треба што поголем број тенисери да застанат на негова страна – рече Кирјос.

Кирјос ја исмеа и пораката на министерот на имиграција, Алекс Хок, кој во своето образложување за укинување на визата на Ѓоковиќ, наведе дека српскиот тенисер е закана за Австралија и нејзиниот јавен ред и мир.

– Овој Хок вели дека Новак е „закана за нашите граници“. Епа, не е! Во овие моменти го третираме као оружје за масовно уништување, а тој дојде за да игра тенис.  Ние не го гледаме Новак Ѓоковиќ како човек. Замислете како се чувствува тој во овие моменти. Веројатна сака малку поддршка од нас тенисерите, и од мене ја има.

Nick Kyrgrios: “this Hawke guy is like, he’s a threat to our borders. Well, no he’s not. We’re treating him like he’s a weapon of mass destruction at the moment. He’s literally here to play tennis”#djokovic pic.twitter.com/pBmGveSW4T

— Susan Metcalfe (@susanamet) January 15, 2022

Австралискиот тенисер посакува Ѓоковиќ да може да настапи на Австралија Опен и на крајот да ја освои титулата.
– Сакам Новак да победи на Австралија Опен и во Мелбурн да се шетам со маичка на која ќе пишува „Идемо“.

Kyrgios wants @DjokerNole to win Australian Open:”I wanna walk around Melbourne park with my “Idemo” shirt.” pic.twitter.com/9SyoOUJYnH

— THE JOKER(S) 🃏🇷🇸 (@NBASerbians) January 15, 2022