Две жени, вработени во обложувалница во Струга, се договориле да украдат пари од прометот, а да пријават дека некој ги ограбил, соопшти полицијата.

Тие ќе одговараат за лажно пријавување кривично дело и за затајување, велат од МВР.

„ОВР Струга поднесе кривична пријава против Л.Д.(43) и Д.М.(48), двете од Струга, поради постоење основи на сомнение за сторени кривични дела „лажно пријавување кривично дело“ и „затајување“. Двете, вработени во спортска обложубвалница, по претходен меѓусебен договор, на 30.12.2025 во ОВР Струга пријавиле кривично дело „разбојништво“ односно дека во спортската обложувалница каде работеле, наводно влегло машко лице и со закана со пиштол им ги побарал парите од дневниот промет, по што избегал“, пишува во полицискиот билтен.