По двете одржани блокади, граѓанската иницијатива „Стоп за Усје“ денеска  ќе одржи протестен марш како притисок за, како што велат, поефикасна институционална реакција за правото на чист воздух во Скопје.

Од Влада, Собрание, па до Министерство за животна средина и просторно планирање ќе се одвива денешниот протестен марш кој ќе започне во 12 часот од улицата „Илинденска“, односно од пред Владата.

„Оваа сабота одиме на марш, поради молкот на институциите и бегањето од одговорност! Излегуваме на улица за правото на чист воздух и за конечно институциите да почнат да реагираат, бидејќи ниту еден профит не е поважен од животот на граѓаните. Ајде заедно да кажеме СТОП за труењето од Усје. Се гледаме во сабота!“, стои во повикот на Стоп за Усје.

Организаторите инсистираат на мирен протест без партиски обележја, со што се обидуваат да ја зачуваат автентичноста на еколошката кауза и да спречат политичка инструментализација на правото на чист воздух.

МВР соопштија дека денеска напладне во центарот на Скопје ќе има посебен сообраќаен режим.

МАПА | Еве кои улици во Скопје утре напладне ќе бидат затворени