Македонското репрезентативно крило кое може да игра и на позицијата лев бек одлучи да ја продолжи професионалната кариера во редовите на грчкиот суперлигаш Ламиа.

Стефан Ашковски (30) до сега ги бранеше боите романскиот клуб Сепси во чии бои минатата сезона имаше два голови и две асистенции во 41 настап.

Претходно на клупски план беше дел и о Телеоптик, Партизан, Доњи Срем, Напредак, Стромгодсет, Шкендија, Нови Пазар, Кајсери Ерчијеспор, Фортуна Ситард, Горник Ленчна, Славија Софија и Ботошани. Има 15 настапи за сениорскиот дрес на Македонија.

– Многу сум среќен што сега сум член на тимот на Ламиа. Се надевам дека заедно ќе ги реализираме нашите цели и екипата котира високо – рече Ашковски за клупскиот сајт на Ламиа.

Ламиа сезонава настапува во најсилната грчка лига, моментно по две кола има учинок од еден бод.

Έναρξη συνεργασίας με Stefan Askovski!#lamiafc #lamiafc_season2022_23 #slgr #interwetten #new_transfer #welcome_stefanhttps://t.co/UMNhXeBEPX

— PAS_Lamia_1964_Official (@pas_lamia_1964) August 31, 2022