Јаник Синер ја освои титулата на турнирот во Ротердам благодарение на победата во финалето против Алекс де Минаур. Тој е непоразен од „киксот“ во финалето на финалниот Мастерс 2023 од Новак Ѓоковиќ.

Со тоа Италијанецот ја постигна 15. победа во низа. Тој стана четвртиот играч во десет години кој победил на првите 12 меча во сезоната.

Во изминатава деценија тоа им појде одрака само на членовите на „големата тројка“, Ѓоковиќ, Роџер Федерер и Рафаел Надал.

Ѓоковиќ вакво постигнување направи во 2016, 2020, 2023 година, Федерер во 2018 година, а Надал во 2022 година.

Претходно Синер во Ротердам направи уште еден чекор напред, се вмеша меѓу само осумте тенисери кои оствариле 200 победи на АТП турнејата во 21 век, пред да наполнат 23 години. Тоа се случи кога го совлада Раониќ во четвртфиналето.

Другите тенисери во овој ексклузивен клуб се Ѓоковиќ, Федерер, Надал, Енди Мари, Лејтон Хјуит, Марат Сафин, Енди Родик, Александар Зверев.