Од Фудбалски сојуз на Босна и Херцеговина потврдија дека сите билети за натпреварот против Македонија се целосно распродадени.

Босна и Херцеговина ќе ја пречека македонската селекција на стадионот „Асим Ферхатовиќ Хасе“, кој, поради одредени проблеми со статиката, нема да биде исполнет до последното место, но се очекува силна поддршка од трибините.

Уште претходно, од сојузот информираа дека се продадени околу 22.000 билети и дека останале само ограничен број, а сега и официјално продажбата е затворена. За домашните навивачи, овој натпревар ќе има дополнителна тежина бидејќи станува збор за последен меч на домашен терен пред настапот на Светското првенство.

Покрај овој дуел, селекцијата би можела да одигра уште еден контролен натпревар во САД, најверојатно против Панама.

На претстојниот Мундијал, Босна и Херцеговина ќе се соочи со Швајцарија, Канада и Катар во групната фаза.

Историска ноќ во Зеница: Босна и Херцеговина оди на Мундијалот, кошмарот на Италија нема крај

ВИДЕО: Донарума збесна по поразот на Италија – сакаше да се тепа на теренот во Зеница