Српската пејачка Милица Тодоровиќ сè уште не може да го победи коронавирусот! (ФОТО)
Познатите српски пејачки Милица Тодоровиќ и Славица Ќуктераш се заразија со коронавирусот и веќе две недели се заедно во изолација, пренесува порталот „Србија данас“.
И додека состојбата на Ќуктераш на големо се подобрува, онаа на Тодоровиќ и понатаму е лоша, пишува споменатиот портал.
Имено, Милица уште од почетокот на јули има многу изразени симптоми на коронавирусот – истоштеност, омалаксаност, болка во мускулите, кашлица, кивавица и покачена телесна температура.
Токму високата температура придонесува да се чувствува омалаксано, иако на сите начини се обидува да ја симне и да оздрави.
И покрај тоа што прима терапија, ги пие лековите препишани од лекарот, пејачката и на други начини се обидува да го подобри здравјето, но ништо не се покажа како делотворно засега.