СП во ракомет: Домаќинот Шпанија е втор полуфиналист
Женската ракометна репрезентација на Шпанија е вториот полуфиналист на СП откако во четвртфиналето со 26:21 ја победи Германија. Шпанките кои се домаќини на Мундијалот и се приклучија на Данска која прва обезбеди полуфинале.
Шпанките во сите 60 минути ги контролираа играта и резултатот, наметнувајќи стил на игра кј најдобро им одговараше и кој противничките ракометарки не можеа да го следат.
Првото полувреме заврши со предност од четири гола, 14:10 за Шпанија, за во второто полувреме целосно да ги контролира случувањата на теренот. На крајот Шпанија победи со 26:21 и го задржа максималниот ефект на СП.
Кармен Кампос Коста со седум и Паула Аркос Поведа со четири гола беа најдобри во селекцијата на Шпанија, додека кај Германија се истакна Мајке Шмелцер со четири гола. Шпанија во полуфиналето на СП ќе игра со подобриот од Норвешка – Русија, натпревар кој ќе се игра утре.