Претседателот на партијата Народно движење на Србија, Мирослав Алексиќ, објави фотографии од советник на Српската напредна партија, чијшто лидер е претседателот Александар Вучиќ, во Крушевац и тврди дека токму тој е еден од осомничените за поседување пет тони марихуана.

„Раде Спасојевиќ од Коњух, советник на СНС во Крушевац, колачар на слава, пријател и близок соработник на семејството Гашиќ. Семејството Гашиќ било редовен гостин во Коњух кај Раде и кај неговиот син Небојша, а еве ги заедно и на партиска слава, бидејќи колачарот се бира по заслуги. Тимот на Вучиќ,“ напиша Алексиќ на социјалната мрежа „Икс“.

Rade Spasojević iz Konjuha, odbornik SNS u Kruševcu, kolačar na slavi, prijatelj i blizak saradnik porodice Gašić‼️
Gašići su bili redovni gosti u Konjuhu kod Radeta i njegovog sina Nebojše, a evo ih zajedno i na stranačkoj slavi, jer kolačar se bira po zaslugama‼️
Vučićev tim‼️ https://t.co/jXvoipfQbV pic.twitter.com/pQRyFMaF1F

— Miroslav Aleksic (@MiikiAleksic) January 29, 2026

Тој со објавата сподели и фотографии од советникот на СНС, за кого наведува дека е осомничен за поседување голема количина дрога и оружје, како и дека е близок пријател на семејството Гашиќ.

За потсетување, полицијата во четвртокот пронајде и заплени пет тони марихуана во селото Коњух кај Крушевац, што претставува најголема заплена на оваа дрога во Србија.

Покрај дрогата, пронајдено е и огнено оружје – најмалку четири автоматски пушки и една зоља, како и пари во износ од над 12.000 евра. На местото на настанот се уапсени двајца осомничени, Р.С. и Н.С. (татко и син), а на друга адреса е уапсен и И.Д., како припадници на организирана криминална група.

ВИДЕО | Српската полиција откри пет тони марихуана во Шумадија – најголема заплена во историјата