Словенија ги објави новите мерки
Валидноста на негативниот тест за влез во Словенија од понеделник ќе биде пократок отколку што беше досега, предвидува новиот протокол на Владата, која реагираше на забрзаното проширување на варијантата омикрон, пишува СТА.
Валидноста на негативниот ПЦР тест при влез во Словенија ќе биде скратен на 48 часа, а брзиот антиген тест 24 часа од земањето на брисот.
Исто така, со новите мерки, кои стапуваат на сила од понеделник, ќе се променат условите за користење на јавниот превоз, така што ќе биде дозволено да го користат само лица кои се вакцинирани, го прележале вирусот или имаат негативен тест, а при тоа мора да носат заштитна маска.
Бројот на патници во седиштата е ограничен во возовите и автобусите, а потребно е растојание меѓу патниците на местата за стоење, а организаторите на превозот, односно јавните сообраќајни претпријатија се задолжени за контрола и спроведување на протоколот.
Во Словенија во последните 24 часа се потврдени 4.469 нови случаи, речиси 3.000 повеќе од пред седум дена, а епидемиолозите стравуваат дека со ширењето на варијантата омикрон, која станува доминантна, бројот на дневни инфекции во врвот на новиот бран може да се зголеми на 10 000.