Словенечкиот судија Славко Винчиќ ја доби задачата да го суди финалето во фудбалската Лига на шампионите помеѓу Реал Мадрид и Борусија Дортмунд.

Натпреварот за титулата во ЛШ оваа сезона ќе се игра на стадионот „Вембли“ во Лондон на 1 јуни.

Винчиќ никогаш не му судел на шпанскиот гигант, а беше „среќен“ за Дортмунд на дуелот против Атлетико за пласман на Германците во четвртфиналето.

Оваа сезона во ЛШ Словенецот беше главен судија и на мечевите Лацио – Атлетико (1:1), ПСЖ – Милан (3:0), Наполи – Брага (2:0) и Баерн – Лацио (3:0).

Инаку за Винчиќ ова ќе биде второ европско финале, пред две години го судеше финалниот меч во Лигата на Европа во кој Ајнтрахт Франкфурт триумфираше по пенал серијата против Глазгов Ренџерс.