Словенечките студенти го направија третиот најдобар појадок на кулинарскиот натпревар „NASA HUNCH“, каде што се натпреваруваа како единствена неамериканска екипа во финалето.

Нивното мени се состоело од јачменова каша, многу често јадење во Словенија, во комбинација со суви круши, ореви и чадено тофу, пренесува Словенечката информацивна агенција.

Словенечкиот тим бил составен од двајца студенти од Љубљана, кои се на специјалистички студии по наука за храна, и нивните ментори.

На годинашниот натпревар натпреварувачите, студенти по кулинарство, мораале да подготват солен појадок со барем еден зеленчук. Натпреварувачите морале да почитуваат и строги правила за хранливата вредност на јадењата, а тимот од Словенија морал да ги добие сите потребни состојки во Хјустон поради строгите царински правила.