Кејт Бланшет се појави на црвениот тепих за премиерата на „Приправникот“ – филм за Доналд Трамп, на Канскиот филмски фестивал. Австралиската актерка прошета во долг црн фустан со бели риги, а еден детаљ го привлече вниманието на обожавателите.

Имено, кога застанала пред фотографите, Кејт го повлекла задниот дел од фустанот и го открила делот од фустанот кој бил со зелена боја. Овој детаљ на модната комбинација на актерката предизвика вниманиe, а на социјалните мрежи многумина искоментираа дека е знак дека ја покажала својата поддршка за Палестина.

Имено, фустанот кој го носеше беше црн, бел и зелен, кои во комбинација со црвениот тепих вусшност го претставуваат палестинското знаме.

„Прекрасно! Секако, и Кејт, но најмногу палестинското знаме“; „Ти благодарам Кејт“; „Сега ја сакам уште повеќе“, „Ова бара храброст“, се дел од коментарите на Икс.

Инаку, 55-годишната актерка објави фотографии и на својот инстаграм-профил од модната комбинација и потврди дека облекла фустан во боите на палестинското знаме.

So beautiful! Cate of course but mainly the Palestinian Flag! 🇵🇸

— Harry Rama Free🇵🇸 (@AlanRamskill) May 21, 2024

ФОТО+ВИДЕО | Сите погледи кон Тамара Калиниќ: Најпознатата српска инфлуенсерка зачекори на црвениот тепих во Кан