Трагедија се случи во Шенѓин, Албанија, каде што пет млади момчиња од Косово влегле во морето за да се искапат, но биле однесени од брановите создадени од силниот ветер, јавуваат албанските медиуми.

Двајца од нив се удавиле, додека другите тројца се во тешка состојба.

Во официјалното соопштение, полицијата на Лежа напиша дека благодарение на непосредната реакција на граѓаните со џет-скии, во соработка со полициските служби, биле извлечени од морето, а потоа биле итно пренесени во болница.

Околу 16:30 часот, полициските служби добија известување дека во месноста Рана е Хедун, во Шенѓин, некои граѓани кои влегле во морето за да се искапат, како резултат на брановите предизвикани од силниот ветер, се нашле во тешкотии и биле во опасност од давење.

Веднаш по приемот на известувањето, службите на Граничната полиција, службите на Локалната дирекција на полицијата во Лежа, како и оние на итната помош, се упатиле кон местото.

Загина спасувач додека ги бараше телата на петтемина Италијанци на Малдивите