Женка шимпанзо со скршено срце сè уште ги носи останките на своето бебе во шпанска зоолошка градина, три месеци по неговата смрт. Не можејќи да се збогува со своето бебе, ужалената мајка, која е именувана Наталија, го носи телото на бебето насекаде со себе низ нејзиното живеалиште, пишува „Дејли мејл“.

Зоолошката градина на 10 мај соопшти дека мајмунчето починало на почетокот на февруари, што е честа појава кај видот кој има висока стапка на инфантилна смртност.

Познато е дека шимпанзата тагуваат, но тагата на оваа мајка наводно е доста тешка.

„Ова е вид каде социјалните врски и групната кохезија се основни, така што сите членови се погодени од овие тажни настани“, велат од шпанската зоолошка градина.

„Им треба период на ‘тагување’ и малку по малку се помируваат со реалноста и загубата, иако на мајката можеби ѝ треба време дури и да се ослободи од инертното тело“.

Наталија се породила во февруари, а нејзиното второ бебе е живо и здраво.

Тие рекоа дека се надевале дека присуството на другото бебе ќе ја развесели Наталија, но досега се чини дека тоа немало никакво влијание врз нејзината тага.

Зоолошката градина соопшти дека групата шимпанза се критично загрозени и се дел од специјална програма за да се обидат да ги спасат.