Словенците го објавија списокот за дуелот со Македонија (ФОТО)
Денеска селекторот на словенечката фудбалска репрезентација Матјаж Кек ги објави имињата на играчите на кои ќе смета за претстојниот квалификациски натпревар за Европското првенство 2020 година против Македонија.
Дуелот помеѓу нашата А селекција и Словенија ќе се игра на 10 октомври на Националната арена „Тодор Проески“ – Скопје со почеток од 20.45 часот. Наскоро треба да се огласи и нашиот селектор Игор Ангеловски со кои репрезентативци ќе настапи на важниот дуел за учество на континенталниот собир.
?? Preverite seznam slovenske reprezentance za kvalifikacijski tekmi s Severno Makedonijo in Avstrijo! #SrceBije pic.twitter.com/L5fjo9urZj
— NZS | FA Slovenia (@nzs_si) September 26, 2019
Во меѓувреме словенечкиот селектор Матјаж Кек веќе го објави списокот, а во него се наоѓаат звучни имиња како голманот на Атлетико Мадрид, Јан Облак, потоа Јосип Иличиќ од Аталанта, Миха Зајц од Фенербахче, Роман Безјак од АПОЕЛ…
Да потсетиме, првиот дуел во Љубљана заврши нерешено 1:1, па се будат надежи дека може да се триумфира на возвратниот дуел пред евентуално полни трибини и со три голема бода се направи голем исчекор во трката за една од првите две позиции на табелата кои водат на ЕУРО.
Моментно во квалификациската група „Г“ после шест кола нашите фудбалери се на четвртото место со осум бодови, води Полска со 13, пред Словенија (11) и Австрија (8).