Скопје и Тиквеш остануваат прволигаши
Екипите на Скопје и на Тиквеш обезбедија опстанок во Првата фудбалска лига откако во баражите беа подори од Беласица односно Воска.
На средбата што се играше Струмица, Тиквеш со 4:1 ја декласира Воска. Победата ја најавија Спахиу со голот во 12. минута и Ивановски во 17. минута. До крајот на првиот дел Емини намали на 2:1, но тоа беше се што сторија играчите на Воска.
Во второто полувреме, Љамчески во 67. минута зголеми на 3:1, а конечниот резултат го постави Спахиу во 74. минута.
Во Штип, Скопје благодарение на двата гола на Јаневски славеше со 2:1 над Беласица. Првиот гол, Јаневски го постигна во 30. минута, а вториот што значеше опстанок го даде во 87. минута. Голот за Беласица беше дело на Рамани.