Загаденоста на воздухот во Скопје и утрово е на многу високо ниво. Според податоците на светскиот сервис IQAir, индексот на квалитет на воздухот изнесува 126.

Скопје повторно е втор најзагаден град во Европа, веднаш по Сараево.

Мерењата покажуваат дека на одредени мерни станици во градот вредностите се уште повисоки, со што загадувањето претставува сериозен ризик за здравјето, особено за децата, постарите лица и хронично болните.

Вчера Министерството за животна средина и просторно планирање соопшти дека е надминат прагот на алармирање, по што беа активирани мерки и препораки за институциите и граѓаните, меѓу кои се ограничување на активностите на отворено и намалување на загадувачките извори.

Вонредни мерки поради екстремното загадување во Скопје