Скандал во ПСЖ: Нејмар се степал со спортскиот директор?!
Бразилскиот фудбалер Нејмар се степал со спортскиот директор на ПСЖ, Луис Кампос во соблекувалната, пренесуваат француските медиуми.
Непосредно пред оваа информација стигна веста дека Меси, Верати и Мбапе ќе бидат спремни за осминафиналниoт натпревар против Баерн во вторник од 21:00 часот, сепак набрзо фокусот се насочи кон информацијата за Нејмар.
Нејмар и Луис Кампос влегле во конфликт по поразот на ПСЖ од Монако со 1:3. На тој натпревар ПСЖ беше ослабен, но се очекуваше да освои три бода.
„Светците“ одиграа лошо, што го покажува и резултатот и тоа му засметало на директорот Кампос. Критиките од Кампос, Нејмар не ги поднел најдобро и реагирал пред сите во соблекувалната, наводно дошло и до физички контакт.
Прв кој скокнал да ги разделува бил сонародникот на Нејмар, Маркињос, а потоа станале и останатите. Очигледно нешто во ПСЖ не е како што треба, тоа го покажуваат и резултатите од почетокот на годината, пред поразот од Монако доживеаа е и елиминација од Купот од Марсеј.