Скандал во белорускиот фудбал: Одземена му е титулата на ланскиот шампион Шахтјор Солигорск
Како што е објавено на сајтот на Фудбалската федерација на Белорусија, одземена му е титулата на Шахтјор од Солигорск освоена во 2022 година. Како првак е прогласен БАТЕ Борисов (кој заврши како трет) и кој е веќе сместен меѓу носителите за првото квалификациско коло во ЛШ за следната сезона.
Воедно клубот од Солигорск е казнет со одземање 50 бодови, во тековната сезона ќе му бидат одземени 30 бодови, а во 2024 година 20 бодови, а причината е местење натпревари. Шахтјор Солигорск доби и парична казна од 134.160 илјади евра.
За истиот прекршок беа казнети уште два клуба. Енергетик со 26.880 евра, 20 минус бодови во тековната сезона и 10 во следната сезона. Потоа Белишина, 26.880 евра, 10 бода во тековната сезона и пет во следната сезона.
Оваа одлука е донесена од дисциплинските и етичките органи на федерацијата врз основа на истрагата на Истражниот комитет на Белорусија. Според истрагата, минатата година управата на Шахтјор организирала местење натпревари за време на националниот шампионат, а другите водечки клубови добиле незаконски стимулации.
Моментно Шахтјор Солигорск е на делба на четвртата позиција во белоруската лига со 13 бода по шест одиграни натпревари.
🇧🇾 Major story coming out of Belarus, where champions Shakhtyor Soligorsk have been deducted 30 points (& 20 for next season) and stripped of the 2022 title due to match-fixing.
Fellow BPL clubs Energetik-BGU & Belshina Bobruisk have been sanctioned too.
Source: @BELPOD2 pic.twitter.com/aw3pofb8mx
— The Sweeper (@SweeperPod) May 11, 2023
Belarus just got its own Calciopoli. Shakhtyor Soligorsk have been stripped of their 2022 title for match-fixing, with 30 points deducted this season and 20 next season. Same with runners-up Energetik. Dozens of players were banned. 3rd-placed BATE will play in the CL instead. pic.twitter.com/1lZwMIQYlP
— Tadeusz Giczan (@TadeuszGiczan) May 11, 2023
