Сити по Европското првенство ќе го потврди трансферот на Грилиш!
Капитенот на Астон Вила го привлече вниманието на поголемите клубови со своите одлични игри во последните неколку години.
Препорачано
Џек Грилиш во текот на минатата премиерлигашка сезона во 26 настапи реализираше шест голови и запиша 12 асистенции.
Моментно е на Европското првенство со англиската репрезентација, не настапи во победата над Хрватска, имаше минутажа во ремито со Шкотска, а асистираше за триумф против Чешка.
Англичаните се подготвуваат за осминафиналниот натпревар на континенталниот собир против Германија кој ќе се одигра во вторник од 18.00 часот на „Вембли“ стадионот во Лондон.
EXCLUSIVE: Manchester City to CONFIRM record-breaking £100MILLION move for Jack Grealish after Euro 2020 https://t.co/BpXPbCt2rf
— MailOnline Sport (@MailSport) June 25, 2021
Денеска како што информира британскиот „Дејли Мејл“, се очекува Манчестер сити да го потврди трансферот вреден 100 милиони фунти.
Воедно и натаму стои желбата на менаџерот на „граѓаните“ Пеп Гвардиола да го ангажира напаѓачот на Тотенхем, Хари Кејн. Англискиот репрезентативец Кејн не ја крие желбата да ја напушти екипата и да се пресели во клуб со кој ќе брка трофеи.
