Конечно имаме одговор, благодарение на Чендлер Бинг…

Како и многу други продукции, снимањето на „HBO Max“ специјалот на ТВ серијата „Пријатели“ беше одложено уште на самиот почеток поради коронавирусот, и оттогаш немавме никаква информација кога ќе биде продолжено.

Сега конечно имамате одговор, благодарение на Метју Пери, кој во серијата го толкуваше Чендлер Бинг.

– Продолжението на снимањето на „Пријатели“ е закажано за март 2021 година. Изгледа дека ни претстои година полна работа, а тоа и го посакувам, напиша Пери на својот Твитер профил, пренесува „Variety“.

Обожавателите веќе размислуваат на што точно мислел Пери кога рекол „година полна работа“.

Дали тоа значи уште неколку снимања во врска со „Пријатели“, или други проекти? Или едноставно мисли на своите лични обврски? Наскоро ќе дознаеме.