Чет Хенкс, синот на холивудската ѕвезда Том Хенкс и Рита Вилсон, повторно е актуелен во јавноста со новата сезона на серијата „На чело на тимот“ (Running Point), но и поради необичниот начин на живот што го избрал.

Триесет и петгодишниот актер и музичар откри дека моментално живее во приколка во камп-парк во Нешвил, каде што се преселил за да се посвети на кариера во кантри музиката.

Во гостување кај Џими Фалон, Хенкс објасни дека не сакал повторно да вложува во уредување стан, откако неодамна средил дом во Лос Анџелес.

„Не сакав повторно да купувам и уредувам стан. Бев по хотели и сместувања на Ер-би-ен-би, но тоа ми здосади – сакав свој простор“, изјави тој.

Инспирацијата за ваквиот начин на живот ја добил по патување во Кармел-бај-да-Си во Калифорнија, каде престојувал во приколка од типот „Ерстрим“.

„Многу ми се допадна. Си реков – сакам вакво нешто. И си купив приколка“, откри Хенкс.

Неговиот „дом на тркала“, како што вели, е целосно опремен: има кујна, туш и сè што му е потребно за секојдневие. Сепак, признава дека неговите соседи се значително постари од него.

„Веројатно сум најмладиот тука, и тоа со разлика од 30-40 години. Сите се пензионери, прекрасни луѓе“, рече тој.

Иако живее во камп-парк, неговото секојдневие не е многу поразлично.

„Имам огниште пред приколката и понекогаш го користам, но најчесто правам исто што би правел дома – лежам, гледам содржиа на Нетфликс и се одмарам“, додаде Хенкс.

ФОТО | Том Хенкс жртва на измама: Кружи бизарно видео направено со вештачка интелигенција