Јаник Синер денеска се пласираше во четвртфиналето на Мастерсот во Мадрид, Шпанија, откако го победи 23. играч во светот, Британецот Камерон Нори, по два сета, со 6:2, 7:5. Светскиот број еден победи по 87 минути.

Италијанскиот тенисер направи два брејка во првиот сет и поведе во мечот. Синер направи брејк на Нори во петтиот гем и водеше со 3:2, а Британецот веднаш го врати брејкот во следниот гем и дојде до израмнување.

Тенисерите потоа добиваа гемови на своите сервиси до 11. гем, кога Синер направи уште еден брејк, што му беше доволно да го освои вториот сет и да запише триумф.

Италијанецот во следната фаза ќе игра против победникот од дуелот меѓу Шпанецот Рафаел Ходар и чешкиот тенисер Вит Коприва во четвртфиналето.

Артур Фис е исто така во четвртфиналето, откако го победи Аргентинецот Томас Мартин Ечеверија со 6:3, 6:4. Следен ривал на Французинот ќе биде подобриот од мечот меѓу Италијанецот Лоренцо Муцети и Јиржи Лехечка од Чешка.