Силни зборови од сопственикот на Далас: Дончиќ може да го надмине Новицки
Мајк Кјубан, сопственикот на Далас маверикс, е убеден дека сегашната прва увезда на екипата ќе ги надмине успесите на Дирк Новицки.
– Дали Лука може да го надмине Дирк и да биде подобар од него? Да, бидејќи играта многу се смени во однос на времето кога Новицки дојде во НБА. Убеден сум дека Лука може да биде МВП и дека ќе биде шампион. Се надевам на такво сценарио, а знам дека и Дирк го посакува истото. Тие двајца се добри пријатели – изјави Кубан.
Новицки и Дончиќ заеднпо одиграа една сезона, по што Германецот се пензионира, додека Словенецот во само две сезони ги воодушеви фановите во НБА, но и експертите.
Веднаш стана лидер на Далас, во премиерната сезона во НБА беше избран за дебитант на годината, додека оваа е еден од фаворитите за МВП признанието. Дончиќ сеознава просечно постигнува по 28.7 поени, 8.7 асистенции и 9.3 скокови.
– Знаевме дека Лука ќе биде добар, затоа и го избравме на драфтот. Сепак, не очекувавме дека ќе биде толку добар за вака брзо време. Мислевме дека ќе му требаат 2-3 години додека да се навикне на ритамот и стилот на игра во НБА лигата – додава Кјубан.
Сезоната во НБА лигата е суспендирана поради пандемијата на коронавирусот и засега не се знае кога ќе продолжи.
