Си го лажирала киднапирањето, зела откуп од сопругот, па со парите играла бинго
Жена во Шпанија го лажирала сопственото киднапирање и искористила дел од откупот од 6.000 евра што го платил нејзиниот сопруг, за да игра бинго.
Неименувана 47-годишна жена ја извршила оваа измама додека нејзиниот сопруг бил во болница. Мажот бил преплашен и мислел дека неговата сопруга е во смртна опасност.
Така, на 4 октомври повикал полиција и го пријавил наводното киднапирање.
Ја нашле како игра бинго
Во меѓувреме, сопругата му праќала пораки, во кои пишувало дека е киднапирана, заедно со инструкции како да го плати откупот, пишува британски Мирор.
Полицијата ангажирала специјална единица која се занимава со киднапирања и која набрзо дознала дека се работи за лажна закана, особено благодарение на снимка на која се гледа како 47-годишната жена вади пари од купчето за откупот и со нив оди оди да игра бинго.
Полицајците ја пронашле во казино во Бадалона, во близина на Барселона и ја уапсиле среде игра. Таа е пуштена на слобода под кауција додека трае истрагата.