Организаторите на популарниот шведски музички фестивал „Веј аут Вест“ во Гетеборг започнаа необична кампања: секој што ќе се регистрира во националниот регистар на донори на органи може да добие билет за фестивалот, кој е веќе распродаден, пренесуваат странските медиуми.

Акцијата се нарекува „пропусница-бубрег“ (The kidney pass), а целта е да се подигне свеста за важноста на донирањето органи, имајќи предвид дека бројот на апликации за донација во Шведска е намален за 30 отсто во последните неколку години.

На дводневниот фестивал „Веј аут Вест“, кој започнува утре, ќе учествуваат: Иги Поп, Пет Шоп Бојс, Чарли XCX и многу други.

Иако потегот изгледа необичен, „Веј аут Вест“ не е првиот настан што ја користи популарната култура за промоција на хуманитарни цели. Слични иницијативи постоеја и порано, но тие беа поврзани со добивање бесплатни билети за концерти, кина или спортски настани како награда за дарување крв.

Сепак, поканата за регистрација за донирање органи во замена за билет за фестивал се смета за единствена практика во светот.

 

View this post on Instagram

 

A post shared by wayoutwestfestival (@wayoutwestfestival)